ਸਿੱਖ ਕੌਮ ਦੀ ਮਾਣ ਮੱਤੀ ਸ਼ਖ਼ਸੀਅਤ ਬਾਬਾ ਛੋਟਾ ਸਿੰਘ ਜੀ ਮੁੱਖ ਸੇਵਾਦਾਰ ਬੁੰਗਾ ਮਸਤੂਆਣਾ ਸਾਹਿਬ ਅਤੇ ਗੁਰਦੁਆਰਾ ਸ਼੍ਰੀ ਤਿਤਰਸਰ ਸਾਹਿਬ ਅੱਜ ਸਾਹ ਰੁਕਣ ਕਾਰਨ ਅਕਾਲ ਚਲਾਣਾ ਕਰ ਗਏ ਹਨ।
ਬਠਿੰਡਾ, 15 ਮਈ 2021(ਸੁਰੇਸ਼ ਰਹੇਜਾ) : ਬਾਬਾ ਛੋਟਾ ਸਿੰਘ ਜੀ ਬੀਤੇ ਦਿਨੀ ਕੋਰੋਨਾ ਪੋਜ਼ਟਿਵ ਆ ਗਏ ਸਨ ਅਤੇ ਓਹਨਾ ਦਾ ਇਲਾਜ਼ ਆਦੇਸ਼ ਹਸਪਤਾਲ ਭੁੱਚੋ ਵਿਖੇ ਦਾਖਲ ਰਹੇ ਜਿਥੋਂ ਕੇ ਬੀਤੇ ਕੁਝ ਦਿਨ ਪਹਿਲਾਂ ਉਹ ਤੰਦਰੁਸਤ ਹੋ ਜੇ ਬੁੰਗਾ ਮਸਤੂਆਣਾ ਆ ਗਏ ਸਨ। ਪਰ ਬੀਤੀ ਰਾਤ ਉਹਨਾਂ ਨੂੰ ਸਾਹ ਦੀ ਤਖਲੀਫ ਆਈ ਤਾਂ ਬਾਬਾ ਕਾਕਾ ਸਿੰਘ ਅਤੇ ਹੋਰ ਸੇਵਕਾਂ ਨੇ ਉਹਨਾਂ ਨੂੰ ਦਿੱਲੀ ਹਾਰਟ ਬਠਿੰਡਾ ਵਿਖੇ ਦਾਖਲ ਕਰਵਾਇਆ।
ਇਥੇ ਡਾਕਟਰਾਂ ਨੇ ਫੇਫੜੇ ਚਲਾਉਣ ਵਾਲਾ ਟੀਕਾ ਜੋ ਕੇ ਆਗਰੇ ਬਣਦਾ ਹੈ ਉਸਦੀ ਮੰਗ ਕੀਤੀ। ਸੇਵਕਾਂ ਵੱਲੋਂ ਡੀ ਸੀ ਬਠਿੰਡਾ ਦੇ ਦਫਤਰ, ਡਰੱਗ ਇੰਸਪੈਕਟਰ ਨੂੰ ਫੋਨ ਕੀਤਾ ਉਹਨਾਂ ਨੇ ਵੀ ਹਰ ਸੰਭਵ ਕੋਸ਼ਿਸ਼ ਕੀਤੀ ਕਿ ਟੀਕਾ ਮਿਲ ਜਾਵੇ ਪਰ ਮੰਦਭਾਗਾ ਇਹ ਰਿਹਾ ਕੇ ਓਹ ਟੀਕਾ ਕਿਤੋਂ ਵੀ ਨਹੀਂ ਮਿਲਿਆ। ਭਾਵੇ ਕਿ ਉਹ ਟੀਕਾ ਲੁਧਿਆਣੇ ਅਤੇ ਆਗਰੇ ਦੋਵਾਂ ਥਾਵਾਂ ਤੋਂ ਮੰਗਵਾਇਆ ਗਿਆ ਅਤੇ 10 ਕੁ ਵਜੇ ਦੇ ਕਰੀਬ ਉਹ ਟੀਕਾ ਬਾਬਾ ਜੀ ਦੇ ਲਗਾ ਵੀ ਦਿੱਤਾ ਗਿਆ। ਪਰ ਅਫਸੋਸ ਉਹ ਬਚ ਨਹੀਂ ਸਕੇ ਅਤੇ ਓਹਨਾ ਨੇ ਆਪਣਾ ਆਖਰੀ ਸਾਹ ਦਿਲੀ ਹਾਰਟ ਹਸਪਤਾਲ ਬਠਿੰਡਾ ਵਿਖੇ ਪੂਰੇ ਕੀਤੇ।
ਬਾਬਾ ਛੋਟਾ ਸਿੰਘ ਜੀ ਦੇ ਚਲੇ ਜਾਣ ਨਾਲ ਸਿੱਖ ਕੌਮ ਨੂੰ ਇੱਕ ਵੱਡਾ ਘਾਟਾ ਪਿਆ ਹੈ। ਸਿੱਖ ਇਤਿਹਾਸ ਅਤੇ ਗਿਆਨ ਦੇ ਸੋਮੇ ਬਾਬਾ ਛੋਟਾ ਸਿੰਘ ਜੀ ਵਾਹਿਗੁਰੂ ਜੀ ਉਹਨਾਂ ਨੂੰ ਆਪਣੇ ਚਰਨਾਂ ਵਿਚ ਨਿਵਾਸ ਬਖਸ਼ਣ
