ਮੁਕੇਰੀਆਂ (ਜਸਵੀਰ ਸਿੰਘ ਪੁਰੇਵਾਲ) : ਮੁਕੇਰੀਆਂ ਦੇ ਥਾਣਾ ਤਲਵਾੜਾ ਅਧੀਨ ਪੈਂਦੇ ਪਿੰਡ ਦਤਾਰਪੁਰ ਨੇੜੇ ਟਰੈਕਟਰ ਟਰਾਲੀ ਨਾਲ ਹੋਈ ਟੱਕਰ ਵਿੱਚ ਮੋਟਰਸਾਈਕਲ ਸਵਾਰ ਫਕਰੂਦੀਨ ਪੁੱਤਰ ਹਸਮ ਦੀਨ ਵਾਸੀ ਪਿੰਡ ਜੁਗਿਆਲ ਪੁਲਿਸ ਥਾਣਾ ਹਾਜੀਪੁਰ ਦੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ, ਪੁਲਿਸ ਸੂਤਰਾਂ ਅਨੁਸਾਰ ਹਾਸਮਦੀਨ ਦੇ ਭਰਾ ਕਾਲੂਦੀਨ ਸਪੁੱਤਰ ਹਾਸਮਦੀਨ ਵਾਸੀ ਪਸੀ ਕਰੋੜਾਂ ਥਾਣਾ ਹਾਜੀਪੁਰ ਜ਼ਿਲਾਂ ਹੁਸ਼ਿਆਰਪੁਰ ਨੇ ਪੁਲਿਸ ਕੋਲ ਬਿਆਨ ਦਰਜ ਕਰਵਾ ਦਿੱਤਾ ਹੈ। ਕਿ ਉਸ ਦਾ ਭਰਾ ਹਸਮਦੀਨ ਆਪਣੇ ਮੋਟਰਸਾਈਕਲ ‘ਤੇ ਦਾਤਾਰਪੁਰ ਵੱਲ ਦੁੱਧ ਦੇਣ ਜਾ ਰਿਹਾ ਸੀ, ਤੇਜ਼ ਰਫਤਾਰ ਟਰੈਕਟਰ ਟਰਾਲੀ ਜੋ ਕਿ ਮਿੱਟੀ ਨਾਲ ਭਰੀ ਹੋਈ ਸੀ, ਨੇ ਮੇਰੇ ਭਰਾ ਦੇ ਮੋਟਰਸਾਈਕਲ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ।
ਜਿਸ ਕਾਰਨ ਮੇਰਾ ਭਰਾ ਮੋਟਰਸਾਈਕਲ ਡਿੱਗ ਗਿਆ ਅਤੇ ਟਰੈਕਟਰ ਦਾ ਪਿਛਲੇ ਟਾਇਰ ਉਸਦੇ ਸਿਰ ਤੋਂ ਲੰਘ ਗਿਆ, ਜਿਸ ਕਾਰਨ ਮੇਰੇ ਭਰਾ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।ਇਸਦੇ ਮੱਦੇਨਜ਼ਰ ਟਰੈਕਟਰ ਚਾਲਕ, ਜਿਸਦਾ ਨਾਮ ਸ਼ਿਵਾ ਪੁੱਤਰ ਨਰਿੰਦਰ ਕੁਮਾਰ ਪਿੰਡ ਕੁੰਡਾਨ ਥਾਣਾ ਸਾਮਲੀ ਜ਼ਿਲਾਂ ਸਾਮਲੀ ਉਤਰ ਪ੍ਰਦੇਸ਼,ਹਾਲ ਵਾਸੀ ਓੜ , ਜ਼ਿਲ੍ਹਾ ਨਵਾਂਸ਼ਹਿਰ ਦੀ ਟਰੈਕਟਰ ਟਰਾਲੀ ਛੱਡ ਗਿਆ ਅਤੇ ਪੁਲਿਸ ਵਲੋਂ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਤਾਲਵਾੜਾ ਪੁਲਿਸ ਵਲੋਂ ਚਾਲਕ ਖਿਲਾਫ ਧਾਰਾ 279, 304 ਏ 427 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਟਰੈਕਟਰ ਚਾਲਕ ਦੀ ਭਾਲ ਕੀਤੀ ਜਾ ਰਹੀ ਹੈ।
