ਬਾਬਾ ਬਕਾਲਾ 2 ਅਪ੍ਰੈਲ (ਸੁਖਵਿੰਦਰ ਸਿੰਘ ਗਿੱਲ) : ਪਿੰਡ ਧਰਦਿਓ ‘ਚ 10 ਲੱਖ ਦੀ ਠੱਗੀ ਮਾਰ ਕਿ ਠੱਗ ਪਤੀ – ਪਤਨੀ 15 ਕੁ ਸਾਲ ਦੀ ਲੜਕੀ ਵੀ ਲੈ ਗਏ। ਜਿੱਥੇ ਪੀੜਤ ਪਰਿਵਾਰ 10 ਲੱਖ ਦੀ ਠੱਗੀ ਦੇ ਨਾਲ-ਨਾਲ ਨੌਜੁਆਨ ਲੜਕੀ ਤੋਂ ਵੀ ਹੱਥ ਧੋਂ ਬੈਠੇ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਪਿੰਡ ਧਰਦਿਉ ਦੇ ਸੁੱਖਵਿੰਦਰ ਸਿੰਘ ਨੇ ਦੱਸਿਆ ਕਿ ਮੇਰੀ ਨਾਨੀ ਸੱਸ ਸੁਰਜੀਤ ਕੌਰ ਵਾਸੀ ਪਿੰਡ ਹਜਾਰਾ ਨੇੜੇ ਸੁਲਤਾਨਪੁਰ ਜਿਸਨੂੰ ਫਤਿਹਗੜ੍ਹ ਸਾਹਿਬ ਵਿਖੇ ਗੁਰਦੁਆਰਾ ਵਿੱਚ ਸੇਵਾ ਕਰਦੇ ਸਮੇਂ ਮਿਲੇ ਠੱਗ ਪਤੀ ਪਤਨੀ ਨੇ ਸੁਰਜੀਤ ਕੌਰ ਨੂੰ ਆਪਣੀਆਂ ਮੋਮੋ ਠੰਗਨੀਆ ਗੱਲਾਂ ਵਿੱਚ ਫਸਾ ਲਿਆ ਸੁਰਜੀਤ ਕੌਰ ਨੇ ਉਨ੍ਹਾਂ ਦਾ ਮਿਲਾਪ ਆਪਣੀ ਪਿੰਡ ਧਰਦਿਓ ਵਿੱਚ ਵਿਆਹੀ ਦੋਹਤੀ ਅਤੇ ਉਸਦੇ ਪ੍ਰੀਵਾਰ ਨਾਲ ਕਰਵਾ ਦਿੱਤਾ ।
ਫੋਟੋ : ਠੱਗ ਪਤੀ ਪਤਨੀ
ਸੁਖਵਿਦਰ ਸਿੰਘ ਨੇ ਦੱਸਿਆ ਕਿ ਠੱਗ ਜਗਜੀਤ ਸਿੰਘ ਜੋ ਆਪਣੇ ਆਪ ਨੂੰ ਅੰਮ੍ਰਿਤਸਰ ਸਾਊਥ ਤੋ ਵਿਧਾਇਕ ਇੰਦਰਬੀਰ ਸਿੰਘ ਬੁਲਾਰੀਆ ਦੇ ਚਾਚੇ ਦਾ ਪੁੱਤ ਅਤੇ ਖ਼ੁਦ ਨੂੰ ਅੰਮ੍ਰਿਤਸਰ ਵਿੱਚ ਕ੍ਰਾਈਮ ਬ੍ਰਾਂਚ ਵਿੱਚ ਤਾਇਨਾਤ ਦੱਸਦਾ ਸੀl ਜਿਸਨੇ ਸਾਨੂੰ ਦੱਸਿਆ ਕੇ ਉਹ ਵਿਦੇਸ਼ਾਂ ਵਿੱਚ ਬੰਦੇ ਵੀ ਭੇਜਦਾ ਹੈ ਅਸੀ ਉਸਦਾ ਠਾਠ-ਬਾਠ,ਰਾਜਨਿਤਿਕ ਪਹੁੰਚ, ਦੱਸਣ ਕਾਰਕੇ ਠੱਗ ਪਤੀ ਪਤਨੀ ਦਾ ਸਾਡੇ ਘਰ ਆਉਣ-ਜਾਣ ਕਾਰਨ ਉਸਦੀਆ ਗੱਲਾ ਵਿੱਚ ਆ ਕੇ ਆਪਣੇ ਬੇਟੇ ਅਤੇ ਕੁਝ ਨਜਦੀਕੀ ਰਿਸ਼ਤੇਦਾਰਾਂ ਤੋਂ ਵੀ ਆਪਣੇ ਬੱਚੇ ਡੈਨਮਾਰਕ ‘ਚ ਭੇਜਣ ਲਈ ਕਰੀਬ ਦੱਸ ਲੱਖ ਲੈ ਕੇ ਦੇ ਦਿੱਤੇ ,ਅਤੇ ਬੀਤੀ 21 ਮਾਰਚ ਨੂੰ ਉਕਤ ਠੱਗ ਪਤੀ ਪਤਨੀ ਵੱਲੋ ਇਹ ਕਿਹਾ ਗਿਆ ਕਿ ਮੈਂ ਅੰਮ੍ਰਿਤਸਰ ਦੇ ਅਲਫਾਵੰਨ ਨਜਦੀਕ ਨਵੀਂ ਕੋਠੀ ਖ੍ਰੀਦੀ ਹੈ ਜਿਸਦਾ ਉਦਘਾਟਨ ਕਰਨ ਲਈ ਕੱਲ ਉਥੇ ਅਖੰਡਪਾਠ ਰੱਖਣਾ ਹੈ ਤੇ ਤੁਸੀ ਸਾਰਾ ਪਰਿਵਾਰ ਸਵੇਰੇ ਸਮੇਂ ਸਿਰ ਅਲਫਾਵੰਨ ਸਾਹਮਣੇ ਪਹੁੰਚ ਜਾਇਓ,ਉਥੋਂ ਤੁਹਾਨੂੰ ਅਸੀ ਆ ਕੇ ਲੈ ਜਾਵਾਂਗੇ ਅਤੇ ਉਸਦੀ ਘਰਵਾਲੀ ਜਿਸਦਾ ਨਾਮ ਨਿਮਰਤ ਕੌਰ ਦੱਸਦੇ ਸਨ ਨੇ ਕਿਹਾ ਕਿ ਉਸਦੀ ਬੇਟੀ ਜਗਜੀਤ ਕੌਰ ਨੂੰ ਅਸੀਂ ਨਾਲ ਲੈ ਜਾਂਦੇ ਹਾਂ l ਅਸੀਂ ਵਿਸ਼ਵਾਸ਼ ‘ਚ ਅੰਨੇ ਹੋਇਆ ਨੇ ਆਪਣੀ ਬੇਟੀ ਨੂੰ ਉਨ੍ਹਾਂ ਦੇ ਨਾਲ ਭੇਜ ਦਿੱਤਾ। ਜਦ ਅਗਲੀ ਸਵੇਰ ਅਸੀਂ ਉਕਤ ਠੱਗ ਪਤੀ ਪਤਨੀ ਵੱਲੋ ਦੱਸੀ ਜਗ੍ਹਾਂ ਤੇ ਪਹੁੰਚੇ ਤਾਂ ਠੱਗ ਪਤੀ ਪਤਨੀ ਦੇ ਦੋਵੇਂ ਫੋਨ ਬੰਦ ਸਨ l ਕਾਫ਼ੀ ਦੇਰ ਤੱਕ ਕੋਈ ਸਪੰਰਕ ਨਾ ਹੋਇਆ ਤਾਂ ਅਸੀ ਵਿਧਾਇਕ ਬੁਲਾਰੀਆਂ ਨਾਲ ਜਾ ਕੇ ਸਪੰਰਕ ਕੀਤਾ ਅਤੇ ਉਨ੍ਹਾ ਨੂੰ ਠੱਗ ਪਤੀ ਪਤਨੀ ਦੀ ਫੋਟੋ ਦਿਖਾਈ ਤਾਂ ਉਨ੍ਹਾ ਦੱਸਿਆ ਕੇ ਇਨ੍ਹਾ ਨੂੰ ਮੈ ਖ਼ੁਦ ਪਹਿਲੀ ਵਾਰ ਦੇਖ ਰਿਹਾ ਹਾਂ ਅਤੇ ਉਨ੍ਹਾ ਨਾਲ ਹੀ ਪੁਲਿਸ ਨੂੰ ਸੂਚਿਤ ਕੀਤਾ ਅਤੇ ਤੁਰੰਤ ਲੜਕੀ ਅਤੇ ਠੱਗ ਪਤੀ ਪਤਨੀ ਦੀ ਭਾਲ ਕਰਨ ਬਾਰੇ ਕਿਹਾ l ਅੱਗੇ ਸੁੱਖਵਿੰਦਰ ਸਿੰਘ ਨੇ ਦੱਸਿਆਂ ਕਿ ਪੁਲਿਸ ਵੱਲੋ ਠੱਗ ਪਤੀ ਪਤਨੀ ਅਤੇ ਮੇਰੀ ਬੇਟੀ ਨੂੰ ਲੱਭਣ ਦੀ ਭਾਲ ਕੀਤੀ ਜਾ ਰਹੀ ਹੈ । ਅਤੇ ਅਸੀਂ ਆਪਣੀ ਬੇਟੀ ਅਤੇ ਠੱਗ ਪਤੀ ਪਤਨੀ ਦੀਆਂ ਫੋਟੋਆਂ ਸ਼ੋਸ਼ਲ ਮੀਡੀਆ ਤੇ ਪਾਈਆਂ ਹਨ। ਪਰ ਅਜੇ ਤੱਕ ਪੁਲਿਸ ਦੇ ਹੱਥ ਖਾਲੀ ਨਜਰ ਆ ਰਹੇ ਹਨ ।
