ਰੋਜਾਨਾ ਅਜੀਤ ਦੇ ਪੱਤਰਕਾਰ ਕਲੇਰ ਨੂੰ ਲੱਗਾ ਗਹਿਰਾ ਸਦਮਾ ਚਾਚਾ ਅਮਰੀਕ ਸਿੰਘ ਕਲੇਰ ਦਾ ਹੋਇਆ ਦੇਹਾਂਤ 

ਜੰਡਿਆਲਾ ਗੁਰੂ, 29 ਜੁੁਲਾਈ (ਕੰਵਲਜੀਤ ਸਿੰਘ) : ਸ਼ੇਰੇ ਪੰਜਾਬ ਪ੍ਰੈਸ ਕਲੱਬ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਕਲੇਰ  ਨੂੰ ਉਸ ਸਮੇਂ ਬਹੁਤ ਹੀ ਗਹਿਰਾ ਤੇ ਸਦਮਾ ਲੱਗਾ ਜਦੋਂ ਉਹਨਾਂ ਦੇ ਬੇਹੱਦ ਸਤਿਕਾਰਯੋਗ ਚਾਚਾ ਜੀ ਅਮਰੀਕ ਸਿੰਘ ਕਲੇਰ  ਇਸ ਜਹਾਨ ਨੂੰ ਅਲਵਿਦਾ ਕਹਿ ਕੇ ਪਰਮਾਤਮਾ ਦੇ ਚਰਨਾਂ ਚ ਜਾ ਬਰਾਜੇ ।ਸਵ. ਅਮਰੀਕ ਸਿੰਘ ਕਲੇਰ ਜਾਣੀ ਪਛਾਣੀ ਸ਼ਖਸੀਅਤ ਸਨ ਉਹਨਾਂ ਦਾ ਜੀਵਨ ਬਹੁਤ ਹੀ ਉੱਚਾ ,ਸੁੱਚਾ ਤੇ ਧਾਰਮਿਕ ਬਿਰਤੀ ਵਾਲਾ ਸੀ । ਅੰਮ੍ਰਿਤ ਵੇਲੇ ਹੀ ਗੁਰਦੁਆਰਾ ਸਾਹਿਬ ਵਿਖੇ  ਨਤਮਸਤ ਹੋ ਕੇ ਗੁਰਬਾਣੀ ਸੁਣਨਾ ਤੇ ਪੜਨਾ ਉਹਨਾਂ ਦਾ ਨਿਤਨੇਮ ਸੀ ।

ਉਹਨਾਂ ਦੀ ਹੋਈ ਮੌਤ ਤੇ ਧਾਰਮਿਕ,ਰਾਜਨੀਤਿਕ, ਤੇ ਸਮਾਜਿਕ, ਸਮਾਜ ਸੇਵੀ ਜਥੇਬੰਦੀਆਂ  ਦੇ ਆਗੂਆਂ ਵੱਲੋਂ ਉਹਨਾਂ ਦੇ ਵੱਡੇ ਭਰਾਤਾ ਸਰਪੰਚ ਮਹਿੰਦਰ ਸਿੰਘ ਕਲੇਰ , ਦਰਸ਼ਨ ਸਿੰਘ ਕਲੇਰ ਕਨੇਡਾ,ਐਡਵੋਕੇਟ ਮੇਜਰ ਸਿੰਘ ਕਲੇਰ ਕਨੇਡਾ  ਤੇ  ਕਲੇਰ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ । ਸਵਰਗੀ ਅਮਰੀਕ ਸਿੰਘ ਕਲੇਰ ਯਾਦ ਚ ਰਖਾਇਆ ਗਿਆ ਸ਼੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ 30 ਜੁਲਾਈ2024 ਦਿਨ ਮੰਗਲਵਾਰ ਨੂੰ  ਉਹਨਾਂ ਦੇ ਗ੍ਰਹਿ ਪਿੰਡ ਰਾਣਾ ਕਾਲਾ ਜਿਲਾ ਅੰਮ੍ਰਿਤਸਰ  ਵਿਖੇ ਪੈਣਗੇ, ਉਪਰੰਤ  ਪਿੰਡ ਦੇ ਗੁਰਦੁਆਰਾ ਸਿੰਘ ਸਭਾ ਵਿਖੇ ਵੈਰਾਗਮਈ ਕੀਰਤਨ ਤੇ ਅੰਤਿਮ ਅਰਦਾਸ ਬਾਅਦ ਦੁਪਹਿਰ 11 ਤੋਂ 1 ਵਜੇ ਤੱਕ ਹੋਵੇਗੀ ।ਆਪ ਜੀ ਨੇ ਅੰਤਿਮ ਅਰਦਾਸ ਵਿੱਚ ਸ਼ਾਮਲ ਹੋਣ ਦੀ ਕਿਰਪਾਲਤਾ ਕਰਨੀ ਜੀ।