ਜੰਡਿਆਲਾ ਗੁਰੂ (ਕੰਵਲਜੀਤ ਸਿੰਘ ਲਾਡੀ,ਰਾਮ ਸ਼ਰਨਜੀਤ ਸਿੰਘ) : ਜੰਡਿਆਲਾ ਗੁਰੂ ਅਧੀਨ ਆਉਂਦੇ ਪਿੰਡ ਗਹਿਰੀ ਮੰਡੀ ਰੇਲਵੇ ਫਾਟਕ ਪਾਰ ਸ਼ਰਾਬ ਦੇ ਸੂਫੀ ਗਰੁੱਪ ਠੇਕੇ ਦੇ ਨਾਲ ਅਹਾਤੇ ਵਿਖੇ ਚੱਲੀ ਗੋਲੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ। ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਇਹ ਪਤਾ ਲੱਗਾ ਹੈ ਕਿ ਸ਼ਰਾਬ ਦੇ ਠੇਕੇ ਦੇ ਨਾਲ ਅਹਾਤਾ ਚਲਾਓੁਣ ਵਾਲਾ ਸੁਭਮ ਉਰਫ ਹਨੀ ਸਪੁੱਤਰ ਦੀਪਕ ਕੁਮਾਰ ਉਮਰ ਕਰੀਬ 24 ਸਾਲ ਦੇ ਵਿਅਕਤੀ ਉੱਤੇ 2 ਅਣਪਛਾਤਿਆਂ ਵਿਅਕਤੀਆਂ ਵੱਲੋਂ ਗੋਲੀ ਚਲਾਈ ਗਈ।
ਜੋ ਕਿ ਹਨੀ ਨਾਮ ਦੇ ਵਿਅਕਤੀ ਦੇ ਸੱਜੇ ਪੱਟ ਤੇ ਖੱਬੇ ਮੋਢੇ ਤੇ ਗੋਲੀਆਂ ਲੱਗੀਆਂ ਜਿਸ ਨੂੰ ਤੁਰੰਤ ਸ੍ਰੀ ਗੁਰੂ ਨਾਨਕ ਹਸਪਤਾਲ ਅੰਮ੍ਰਿਤਸਰ ਵਿਖੇ ਭੇਜਿਆ। ਇਸ ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਮਿਲਦੇ ਸਾਰ ਹੀ ਮੌਕੇ ਤੇ ਪਹੁੰਚ ਕੇ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ ਗਈ।
