ਜਲੰਧਰ, 30 ਅਕਤੂਬਰ (ਧਰਮਿੰਦਰ ਸੌਂਧੀ) : ਜਲੰਧਰ ਦੇ ਪੀ.ਸੀ.ਆਰ. ਡਿਪਾਰਟਮੈਂਟ ਦੇ ਇੰਸਪੈਕਟਰ ਪਿੰਦਰਜੀਤ ਸਿੰਘ ਰਿਆੜ 37 ਸਾਲ 8 ਮਹੀਨੇ 28 ਦਿਨਾਂ ਦੀ ਦੇਸ਼ ਪ੍ਰਤੀ ਆਪਣੀ ਸੇਵਾ ਨਿਭਾਅ ਕੇ ਅੱਜ ਰਿਟਾਇਰ ਹੋਏ ਹਨ। ਇੰਸਪੈਕਟਰ ਪਿੰਦਰਜੀਤ ਸਿੰਘ ਰਿਆੜ ਜਿਨ੍ਹਾਂ ਨੇ ਹਮੇਸ਼ਾ ਹੀ ਆਪਣੀ ਡਿਊਟੀ ਇਮਾਨਦਾਰੀ ਤੇ ਤਨਦੇਹੀ ਨਾਲ ਨਿਭਾਈ ਹੈ, ਜਿਸ ਕਾਰਨ ਰਿਟਾਇਰਮੈਂਟ ਮੌਕੇ ਪੁਲਸ ਪ੍ਰਸਾਸ਼ਨ ਵੱਲੋਂ ਉਨ੍ਹਾਂ ਦਾ ਸਨਮਾਨ ਕੀਤਾ ਗਿਆ।
ਦੱਸਣਯੋਗ ਹੈ ਕਿ ਪਿੰਦਰਜੀਤ ਸਿੰਘ ਰਿਆੜ ਵੱਖ-ਵੱਖ ਵਿਭਾਗਾਂ ’ਚ ਡਿਊਟੀ ਨਿਭਾਅ ਚੁੱਕੇ ਹਨ। ਸ. ਪਿੰਦਰਜੀਤ ਸਿੰਘ ਰਿਆੜ ਨੂੰ ਬਚਪਨ ਤੋਂ ਹੀ ਦੇਸ਼ ਪ੍ਰਤੀ ਸੇਵਾ ਕਰਨ ਦਾ ਜਨੂੰਨ ਸੀ, ਜਿਸ ਦੇ ਚਲਦਿਆਂ ਉਹ 2-2-1984 ਨੂੰ ਪੰਜਾਬ ਆਰਮੰਡ ਪੁਲਸ ਵਿਚ ਭਰਤੀ ਹੋ ਗਏ। ਇਸ ਤੋਂ ਬਾਅਦ ਉਹ 1991 ’ਚ ਕਮਾਂਡੋ ’ਚ ਸ਼ਾਮਲ ਹੋਏ, ਜਿਸ ਦੌਰਾਨ ਉਨ੍ਹਾਂ ਨੇ ਬਿਹਾਰ, ਆਸਾਮ, ਆਂਧਰਾਪ੍ਰਦੇਸ਼ ਤੇ ਦੇਸ਼ ਦੇ ਹੋਰ ਇਲਾਕਿਆਂ ਵਿਚ ਆਪਣੀ ਸੇਵਾ ਨਿਭਾਈ। ਇਸ ਉਪਰੰਤ ਉਨ੍ਹਾਂ ਨੇ ਏ.ਐਸ.ਆਈ. ਸਬ ਇੰਸਪੈਕਟਰ ਪ੍ਰਮੋਟ ਹੋ ਕੇ ਵਿਜੀਲੈਂਸ ਬਿਊਰੋ ਵਿਚ 10 ਸਾਲ ਨੌਕਰੀ ਕੀਤੀ। ਵਿਜੀਲੈਂਸ ਬਿਊਰੋ ਵਿਚ ਨੌਕਰੀ ਕਰਨ ਤੋਂ ਬਾਅਦ ਇੰਸਪੈਕਟਰ ਪ੍ਰਮੋਟ ਹੋ ਕੇ ਉਨ੍ਹਾਂ ਨੇ ਜਿਲ੍ਹਾ ਪੁਲਸ ਕਮਿਸ਼ਨਰੇਟ ਵਿਚ ਡਿਊਟੀ ਕੀਤੀ।
