ਜਲੰਧਰ, 23 ਅਕਤੂਬਰ (ਕਬੀਰ ਸੌਂਧੀ) : ਸ਼੍ਰੀ ਦੁਰਗਾ ਪੂਜਾ ਮਹਾਉਤਸਵ 20 ਅਕਤੂਬਰ ਤੋਂ 25 ਅਕਤੂਬਰ 2023 ਤੱਕ ਗਗਨ ਪੈਲੇਸ, ਜਲੰਧਰ ਕੈਂਟ ਵਿੱਚ ਬਹੁਤ ਹੀ ਸ਼ਰਧਾ ਭਾਵਨਾ ਅਤੇ ਉਤਸਾਹ ਪੂਰਵਕ ਮਨਾਇਆ ਜਾ ਰਿਹਾ ਹੈ। ਇਸ ਪਾਵਨ ਅਵਸਰ ਤੇ ਜਲੰਧਰ ਕੈਂਟ ਤੋਂ ਕਾਂਗਰਸੀ ਵਿਧਾਇਕ ਪਰਗਟ ਸਿੰਘ, ਜਲੰਧਰ ਸੈਂਟਰਲ ਤੋਂ ਵਿਧਾਇਕ ਰਮਨ ਅਰੋੜਾ, ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਜਲੰਧਰ ਕੈਂਟ ਦੇ ਇੰਚਾਰਜ ਹਰਜਾਪ ਸਿੰਘ ਸੰਘਾ ਅਤੇ ਜਲੰਧਰ ਕੈਂਟ ਦੇ ਸਾਬਕਾ ਕੌਂਸਲਰ ਅਵਿਨਾਸ਼ ਸ਼ਰਮਾ USA ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰਦਿਆਂ ਨਤਮਸਤਕ ਹੋ ਕੇ ਮਾਂ ਦੁਰਗਾ ਜੀ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ। ਪ੍ਰਬੰਧਕਾਂ ਨੇ ਉਨ੍ਹਾਂ ਦਾ ਮਾਤਾ ਰਾਣੀ ਦੀਆਂ ਚੁੰਨੀਆਂ ਪਾ ਕੇ ਸਵਾਗਤ ਕੀਤਾ।
ਗੌਰਤਲਬ ਹੈ ਕਿ ਇਸ ਦੌਰਾਨ ਰੋਜ਼ਾਨਾ ਮਾਤਾ ਰਾਣੀ ਜੀ ਦੇ ਭਜਨ ਕੀਰਤਨ, ਬੱਚਿਆਂ ਦੀ ਡਾਂਸ ਪ੍ਰਤੀਯੋਗਿਤਾ, ਡਾਂਡੀਆ ਪ੍ਰੋਗਰਾਮ, ਮਾਤਾ ਜੀ ਦੀ ਚੌਂਕੀ ਆਦਿ ਸਮਾਗਮ ਕਰਵਾਏ ਜਾ ਰਹੇ ਹਨ ਅਤੇ ਇਸਦੇ ਨਾਲ ਨਾਲ ਨੀਲਾਮ ਘਰ ਕਰਵਾਇਆ ਜਾ ਰਿਹਾ ਹੈ, ਜਿੱਸ ਵਿੱਚ ਧਾਰਮਿਕ ਸਵਾਲਾਂ ਦੇ ਉੱਤਰ ਦੇਣ ਵਾਲਿਆਂ ਨੂੰ ਖ਼ੂਬਸੂਰਤ ਇਨਾਮ ਦਿੱਤੇ ਜਾਣਗੇ। ਇਹਨਾਂ ਸਮਾਗਮਾਂ ਵਿੱਚ ਵੱਡੀ ਗਿਣਤੀ ਵਿੱਚ ਨਗਰ ਵਾਸੀ ਵੀ ਆਪਣੀਆਂ ਹਾਜਰੀਆਂ ਭਰਕੇ ਜੀਵਨ ਸਫਲਾ ਕਰ ਰਹੇ ਹਨ।
