ਮੈਂਬਰ ਬਲਾਕ ਸੰਮਤੀ ਕਰਨਵੀਰ ਸਿੰਘ ਨੌਰੰਗਵਾਲ ਜਿਲ੍ਹਾ ਕਾਂਗਰਸ ਦੇ ਮੀਤ ਪ੍ਰਧਾਨ ਨਿਯੁਕਤ
ਭੁੰਨਰਹੇੜੀ,ਪਟਿਆਲਾ 25 ਅਗਸਤ (ਕ੍ਰਿਸ਼ਨ ਗਿਰ) : ਵਿਧਾਨ ਸਭਾ ਹਲਕਾ ਸਨੌਰ ਦੇ ਵਿਕਾਸ ਕੰਮਾਂ ਵਿਚ ਤੇਜੀ ਲਿਆਉਣ ਲਈ ਹਲਕੇ ਦੇ ਇੰਚਾਰਜ ਹਰਿੰਦਰਪਾਲ ਸਿੰਘ ਹੈਰੀਮਾਨ ਵੱਲੋਂ ਸਰਪੰਚਾਂ ਅਤੇ ਬਲਾਕ ਸੰਮਤੀ ਮੈਂਬਰ ਦੇ ਨਾਲ ਤਾਲਮੇਲ ਲਿਆਉਣ ਦੇ ਨਾਲ-ਨਾਲ ਪਾਰਟੀ ਵੱਲੋਂ ਬਣਦਾ ਮਾਣ-ਸਨਮਾਨ ਵੀ ਦਿੱਤਾ ਜਾ ਰਿਹਾ ਹੈ।ਅੱਜ ਜਿਲ੍ਹਾ ਦਿਹਾਤੀ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਗੁਰਦੀਪ ਸਿੰਘ ਊਂਟਸਰ ਤੇ ਹੈਰੀਮਾਨ ਦੁਆਰਾ ਕਾਂਗਰਸ ਪਾਰਟੀ ਚ ਸਰਗਰਮ ਮੈਂਬਰ ਬਲਾਕ ਸੰਮਤੀ ਕਰਨਵੀਰ ਸਿੰਘ ਨੌਰੰਗਵਾਲ ਨੂੰ ਉਹਨਾਂ ਦੀਆਂ ਪਾਰਟੀ ਪ੍ਰਤੀ ਵਧੀਆ ਸੇਵਾਵਾਂ ਨੂੰ ਦੇਖਦੇ ਹੋਏ ਜਿਲ੍ਹਾ ਦਿਹਾਤੀ ਦਾ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਗਿਆ।ਇਸ ਮੌਕੇ ਸ੍ਰ ਹੈਰੀਮਾਨ ਨੇ ਕਿਹਾ ਕਿ ਪਿੰਡਾਂ ਦੀ ਨੁਹਾਰ ਬਦਲਣ ਲਈ ਪੰਚਾਇਤਾਂ ਦੀ ਹਰ ਮੰਗ ਪੂਰੀ ਕੀਤੀ ਜਾ ਰਹੀ ਹੈ, ਉਨ੍ਹਾਂ ਕਿਹਾ ਕਿ ਪਿੰਡਾਂ ਨੂੰ ਸਹਿਰਾਂ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕਰਨ ਲਈ ਆਧੁਨਿਕ ਢੰਗ ਨਾਲ਼ ਵਿਕਾਸ ਕਰਵਾਇਆ ਜਾ ਰਿਹਾ ਹੈ।ਸੀਵਰੇਜ, ਮਿੰਨੀ ਪੈਲੇਸ, ਪੀਣ ਵਾਲੇ ਸਾਫ ਪਾਣੀ ਲਈ 22 ਤੋਂ 25 ਲੱਖ ਰੁਪਏ ਮਿਨਰਲ ਟ੍ਰੀਟਪਲਾਂਟ ਲਈ ਤੇ ਹੋਰ ਸਹੂਲਤਾਂ ਪ੍ਰਦਾਨ ਕਰਵਾਈਆਂ ਜਾ ਰਹੀਆਂ ਹਨ।
ਇਸ ਮੌਕੇ ਗੁਰਦੀਪ ਸਿੰਘ ਊਂਟਸਰ, ਰਤਿੰਦਰਪਾਲ ਸਿੰਘ ਰਿੱਕੀਮਾਨ ਚੇਅਰਮੈਨ ਮਾਰਕੀਟ ਕਮੇਟੀ ਪਟਿਆਲਾ ਨੇ ਕਿਹਾ ਕਿ ਮਿਹਨਤੀ ਸਰਗਰਮ ਅਤੇ ਕਾਂਗਰਸ ਪਾਰਟੀ ਪ੍ਰਤੀ ਸਮਰਪਿਤ ਵਰਕਰਾਂ ਨੂੰ ਬਣਦਾ ਮਾਨ-ਸਨਮਾਨ ਦਿੱਤਾ ਜਾ ਰਿਹਾ ਹੈ।ਇਸ ਮੌਕੇ ਗੁਰਮੁਖ ਸਿੰਘ ਵਾਇਸ ਚੇਅਰਮੈਨ ਮਾਰਕੀਟ ਕਮੇਟੀ ਪਟਿਆਲਾ, ਜੋਗਿੰਦਰ ਸਿੰਘ ਕਾਕੜਾ, ਅਸ਼ਵਨੀ ਕੁਮਾਰ ਬੱਤਾ,ਹਰਦੀਪ ਸਿੰਘ ਜੋਸ਼ਨ,ਬਲਿਹਾਰ ਸਿੰਘ ਸਮਸਪੁਰ ਗੁਰਜੀਤ ਸਿੰਘ ਕਟਕਹੇੜੀ, ਪਵਨ ਸੰਧੂ, ਪਵਨ ਗੋਇਲ,ਹਰਵਿੰਦਰ ਸਿੰਘ ਕਾਮੀਕਲਾਂ ਚੇਅਰਮੈਨ ਲੈਂਡਮਾਰਟਗੇਜ ਬੈਂਕ ਘਨੌਰ,ਗੌਰਵ ਸੰਧੂ,ਨੋਨੀ ਪੀ ਏ ਹੈਰੀਮਾਨ,ਕੁਲਦੀਪ ਸਿੰਘ ਕੇ ਪੀ,ਲਿੰਕਨ ਸ਼ਰਮਾ ਮੈਂਬਰ ਮਾਰਕੀਟ ਕਮੇਟੀ ਅਤੇ ਹੋਰ ਕਾਂਗਰਸੀ ਵਰਕਰ ਹਾਜਰ ਸਨ
