ਧੀਆਂ ਨੂੰ ਫ੍ਰੀ ਪੜਾਉਣਾਂ ਸਭ ਤੋ ਵੱਡਾ ਪੁੰਨ : ਲਖਵਿੰਦਰ ਵਡਾਲੀ,ਦੀਪਕ ਸੂਰੀ
ਜੰਡਿਆਲਾ ਗੁਰੂ 27 ਅਗਸਤ (ਕੰਵਲਜੀਤ ਸਿੰਘ ਲਾਡੀ)-ਮਿਸ਼ਨਦੀਪ ਪਬਲਿਕ ਸਕੂਲ ਨੇੜੇ ਗੁਰਦੁਆਰਾ ਪਲਾਹ ਸਾਹਿਬ ਵਿਖੇ ਲਾਈਫ ਕੇਅਰ ਐਜੂਕੇਸ਼ਨ ਵੈਲਫੇਅਰ ਸੋਸਾਇਟੀ ਦੇ ਚੇਅਰਮੈਨ ਦੀਪਕ ਸੂਰੀ ਦੇ ਸਹਿਯੋਗ ਸਦਕਾ ਉਘੇ ਸੂਫੀ ਗਾਇਕ ਪੂਰਨ ਚੰਦ ਵਡਾਲੀ ਦੇ ਸਪੁੱਤਰ ਲਖਵਿੰਦਰ ਸਿੰਘ ਵਡਾਲੀ ਸੂਫੀ ਗਾਇਕ ਨੇ ਮਿਸ਼ਨਦੀਪ ਸਕੂਲ ‘ਚ ਪੌਦੇ ਲਗਾਏ ਅਤੇ ਬੱਚਿਆਂ ਨੂੰ ਫ੍ਰੀ ਵਰਦੀਆਂ ਦਿੱਤੀਆਂ। ਲਖਵਿੰਦਰ ਵਡਾਲੀ ਦਾ ਗਰਮ ਜੋਸ਼ੀ ਨਾਲ ਸਵਾਗਤ ਕਰਦਿਆਂ ਸਕੂਲ ਦੀਆਂ ਬੱਚੀਆਂ ਨੇ ਰੰਗਾ-ਰੰਗ ਪ੍ਰੋਗਰਾਮ ਪੇਸ਼ ਕੀਤਾ। ਇਸ ਮੌਕੇ
ਵਡਾਲੀ ਨੇ ਕਿਹਾ ਕਿ ਹਰ ਸਾਲ ਮਿਸ਼ਨਦੀਪ ਸਕੂਲ ਨੂੰ 51000 ਰੁਪਏ ਦੀ ਸਹਾਇਤਾ ਵਜੋ ਦਿਆਂਗਾ। ਚੇਅਰਮੈਨ ਕਮਲਪ੍ਰੀਤ ਅਤੇ ਮੈਡਮ ਪ੍ਰੀਤੀ ਕੌਰ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਮੈਡਮ ਗੁਰਸੀਮਾ ਪ੍ਰੀਤ ਕੋਰ ਅਤੇ ਸਮੂਹ ਸਟਾਫ ਨੇ ਲਖਵਿੰਦਰ ਵਡਾਲੀ ਅਤੇ ਦੀਪਕ ਸੂਰੀ ਆਦਿ ਨੂੰ ਸਨਮਾਨਿਤ ਕਰਦਿਆਂ ਕਿਹਾ ਕਿ ਮਿਸ਼ਨਦੀਪ ਸਕੂਲ ਸੰਗਤਾਂ ਦੇ ਸਹਿਯੋਗ ਨਾਲ ਚਲਦਾ ਹੈ, ਸਕੂਲ ਦੀਆਂ ਵੈਨਾਂ ਆਪ ਪਿੰਡਾਂ ਵਿਚੋ ਬੱਚਿਆਂ ਨੂੰ ਬਿਲਕੁੱਲ ਫ੍ਰੀ ਲੈ ਕੇ ਆਉਦੀਆਂ ਹਨ। ਇਸ ਮੌਕੇ ਦੀਪਕ ਸੂਰੀ ਨੇ ਸਕੂਲ ਮੈਨੇਜਮੈਂਟ ਦਾ ਧੰਨਵਾਦ ਕਰਦਿਆਂ ਕਿਹਾ ਸਾਨੂੰ ਵੱਧ ਤੋਂ ਵੱਧ ਦਾਨ ਇਸ ਤਰ੍ਹਾਂ ਦੀਆਂ ਜਗ੍ਹਾ ਤੇ ਦੇਣਾ ਚਾਹੀਦਾ ਹੈ, ਜਿਸ ਨਾਲ ਸਾਡੀਆਂ ਬੱਚੀਆਂ ਪੜ ਸਕਣ।
ਇਸ ਮੌਕੇ ਲਾਈਫ ਕੇਅਰ ਐਜੂਕੇਸ਼ਨ ਦੇ ਪ੍ਰਧਾਨ ਕਸ਼ਮੀਰ ਸਹੋਤਾ, ਨਿਸ਼ਾਨ ਸਿੰਘ ਅਟਾਰੀ, ਸਲਾਹਕਾਰ ਮਨਦੀਪ ਸਿੰਘ, ਯੋਗੇਸ਼ ਕੁਮਾਰ, ਹਰਪਾਲ ਸੰਧੂ,ਗਗਨ ਧਵਨ, ਪਰਮਜੀਤ ਫੌਜੀ, ਸਕੂਲ ਪ੍ਰਿੰਸੀਪਲ ਗਗਨਦੀਪ ਕੋਰ, ਕੋਆਰਡੀਨੇਟਰ ਮੈਡਮ ਅੰਮ੍ਰਿਤਾ ਕੋਰ, ਸਤਨਾਮ ਕੋਰ, ਰਣਜੀਤ ਕੋਰ, ਸਿਮਰਨਜੀਤ ਕੋਰ, ਮਨਜਿੰਦਰ ਕੋਰ, ਹਰਪ੍ਰੀਤ ਕੋਰ, ਗੁਰਵਿੰਦਰ ਕੋਰ ਆਦਿ ਹਾਜ਼ਰ ਸਨ।
