ਬਾਬਾ ਬਕਾਲਾ ਸਾਹਿਬ, 13 ਮਈ ( ਸੁਖਵਿੰਦਰ ਬਾਵਾ) : ਸਬ ਡਿਵੀਜ਼ਨ ਬਾਬਾ ਬਕਾਲਾ ਵਿੱਚ ਸਟੈਂਡਰਡ ਪਬਲਿਕ ਹਾਈ ਸਕੂਲ ਧੂਲਕਾ ਦੀ ਮਿਡਲ ਪ੍ਰੀਖਿਆ ਦੀ ਸਟੇਟ ਮੈਰਿਟ ਵਿੱਚੋਂ ਦਸਵੇਂ ਰੈਂਕ ਤੇ ਆਉਣ ਵਾਲੀ ਵਿਦਿਆਰਥਣ ਮੰਨਤ ਕੌਰ ਸਪੁੱਤਰੀ ਹਰਜੀਤ ਸਿੰਘ ਖਿਲਚੀਆਂ ਨੂੰ ਸ਼ਹੀਦ ਭਗਤ ਸਿੰਘ ਸਮਾਜ ਸੇਵਾ ਸੋਸਾਇਟੀ N.G.O ਬਿਆਸ ਵੱਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕਰਨ ਲਈ ਅੱਜ ਸੋਸਾਇਟੀ ਦੇ ਅਹੁਦੇਦਾਰ ਜਗਦੀਸ਼ ਸਿੰਘ ਚਾਹਲ ਪ੍ਰਧਾਨ, ਪ੍ਰਦੀਪ ਸਿੰਘ ਗਿੱਲ ਉਪ-ਪ੍ਰਧਾਨ, ਜਗਦੀਸ਼ ਸਿੰਘ ਦੌਲੌ ਨੰਗਲ ਜਨਰਲ ਸੈਕਟਰੀ, ਜਸਵਿੰਦਰ ਸਿੰਘ (ਬਲਾਕ ਪ੍ਰਧਾਨ ਐਕਸ ਸਰਵਿਸ ਮੈੱਨ ਵਿੰਗ) ਅਮਨਪ੍ਰੀਤ ਸਿੰਘ (ਪੀ.ਆਰ.ਓ.)ਅਤੇ ਹਰਮੀਤ ਸਿੰਘ ਸੂਰਜ (ਮੀਡੀਆ ਇੰਚਾਰਜ ) ਉਚੇਚੇ ਤੌਰ ਤੇ ਸਕੂਲ ਪਹੁੰਚੇ।
ਉਹਨਾ ਵੱਲੋਂ ਬੱਚੀ ਨੂੰ ਸਨਮਾਨ ਚਿੰਨ੍ਹ ਤੇ ਨਕਦ ਇਨਾਮ ਦੇ ਕੇ ਹੌਸਲਾ ਅਫਜ਼ਾਈ ਕੀਤੀ ਗਈ ਤਾਂ ਕਿ ਹੋਰ ਬੱਚਿਆਂ ਨੂੰ ਵੀ ਇਸ ਤੋਂ ਉਤਸ਼ਾਹ ਮਿਲ ਸਕੇ । ਇਸ ਵਿਸ਼ੇਸ਼ ਉਪਰਾਲੇ ਲਈ ਸਕੂਲ ਦੇ ਐੱਮ. ਡੀ. ਚਰਨਜੀਤ ਸਿੰਘ ਹੁੰਦਲ ਅਤੇ ਪ੍ਰਿੰਸੀਪਲ ਅਮਨਪ੍ਰੀਤ ਕੌਰ ਨੇ ਆਈ ਹੋਈ ਸਮੂਹ ਟੀਮ ਦਾ ਤਹਿ ਦਿਲ ਤੋਂ ਧੰਨਵਾਦ ਕੀਤਾ। ਇਸ ਮੌਕੇ ਤੇ ਸੀਨੀਅਰ ਅਧਿਆਪਕ ਸ. ਰਣਧੀਰ ਸਿੰਘ, ਜਤਿੰਦਰ ਕੌਰ, ਸੀਮਾ ਦੇਵੀ, ਨੀਰਜ ਕੁਮਾਰੀ, ਪ੍ਰਭਜੋਤ ਕੌਰ,ਅਤੇ ਰਣਬੀਰ ਸਿੰਘ ਆਦਿ ਹਾਜ਼ਰ ਸਨ।
