ਅੰਮ੍ਰਿਤਸਰ 22 ਮਈ (ਕੰਵਲਜੀਤ ਸਿੰਘ ਲਾਡੀ ) : ਪ੍ਰੈਸ ਸੰਘਰਸ਼ ਜਰਨਲਿਸਟਸ ਐਸੋ ਦੇ ਮੁੱਖ ਦਫਤਰ ਅੰਮ੍ਰਿਤਸਰ ਪੁੱਜਣ ਤੇ ਅੰਮ੍ਰਿਤਸਰ ਇਕਾਈ ਵਲੋਂ ਜਿਲ੍ਹਾ ਪ੍ਰਧਾਨ ਫਿਰੋਜਪੁਰ ਨਿੱਕਾ ਸਿੰਘ ਅਤੇ ਸਤੀਸ਼ ਕੁਮਾਰ ਖਜ਼ਾਨਚੀ ਦਾ ਸਵਾਗਤ ਅੱਜ ਜਿਲ੍ਹਾ ਇਕਾਈ ਦੇ ਪ੍ਰਧਾਨ ਰਾਜੇਸ਼ ਕੌਂਡਲ ਅਤੇ ਨਿਰਮਲ ਸਿੰਘ ਚੌਹਾਨ ਸੀਨੀਅਰ ਮੀਤ ਪ੍ਰਧਾਨ,ਸੁਨੀਲ ਗੁਪਤਾ ਸਕੱਤਰ ਨੇ ਸ਼ਿਰੋਪਾ ਪਾ ਕੇ ਕੀਤਾ। ਇਸ ਮੌਕੇ ਰਾਜੇਸ਼ ਕੌਂਡਲ ਨੇ ਕਿਹਾ ਕਿ ਯੂਨੀਅਨ ਨੂੰ ਨਿੱਕਾ ਸਿੰਘ ਵਰਗੇ ਸਾਥੀਆਂ ਤੇ ਗਰਵ ਹੈ ਜੋ ਪੱਤਰਕਾਰਾਂ ਦੇ ਹੱਕਾਂ ਖ਼ਾਤਿਰ ਉਹਨਾਂ ਨਾਲ ਦਿਨ ਰਾਤ ਚਟਾਨ ਵਾਂਗ ਖੜੇ ਰਹਿੰਦੇ ਹਨ ਅਤੇ ਪੱਤਰਕਾਰਾਂ ਨੂੰ ਇਨਸਾਫ ਦਿਵਾਉਣ ਖਾਤਿਰ ਆਪਣਾ ਖੂਨ ਪਸੀਨਾ ਇਕ ਕਰਦੇ ਹਨ। ਇਸ ਮੌਕੇ ਸੰਗਠਨ ਦੇ ਆਲ ਇੰਡੀਆ ਪ੍ਰਧਾਨ ਸੰਜੀਵ ਪੁੰਜ ਨੇ ਨਿੱਕਾ ਸਿੰਘ ਨੂੰ ਪ੍ਰੈੱਸ ਸੰਘਰਸ਼ ਜਰਨਲਿਸਟਸ ਐਸੋ ਰਜਿ ਵਲੋਂ ਯੂਨੀਅਨ ਪ੍ਰਤੀ ਵਧੀਆ ਸੇਵਾਵਾਂ ਦੇਣ ਤੇ ਪ੍ਰਸ਼ੰਸਾ ਪੱਤਰ ਦੇ ਨਾਲ ਨਵਾਜਿਆ। ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਨਿੱਕਾ ਸਿੰਘ ਨੇ ਕਿਹਾ ਕਿ ਉਹਨਾਂ ਨੂੰ ਪ੍ਰੈਸ ਨਾਲ ਜੁੜੇ ਹੋਏ ਲੰਬਾ ਅਰਸਾ ਬੀਤ ਗਿਆ ਹੈ। ਪਰ ਅੱਜ ਉਹਨਾਂ ਨੂੰ ਪ੍ਰਸ਼ੰਸਾ ਪੱਤਰ ਹਾਸਿਲ ਕਰਨ ਦਾ ਜੋ ਮਾਨ ਪ੍ਰਾਪਤ ਹੋਇਆ ਹੈ। ਨਿੱਕਾ ਸਿੰਘ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਵੀ ਯੂਨੀਅਨ ਦੇ ਅਗਾਂਹ ਵਧੂ ਕਾਰਜਾਂ ਵਿੱਚ ਇਸੇ ਤਰਾਂ ਹੋਰ ਵੱਧ ਚੜ ਕੇ ਯੋਗਦਾਨ ਪਾਉਂਦੇ ਰਹਿਣਗੇ। ਇਸ ਮੌਕੇ ਯੂਨੀਅਨ ਦੇ ਮੁੱਖ ਪ੍ਰਬੰਧਕ ਹਰਸ਼ ਪੁੰਜ,ਮਨੀ ਖੋਸਲਾ ਖਜਾਨਚੀ,ਅਮਰੀਕ ਸਿੰਘ ਆਦਿ ਹਾਜਿਰ ਸਨ।
