ਹਾਜੀਪੁਰ, 24 ਮਈ (ਜਸਵੀਰ ਸਿੰਘ ਪੁਰੇਵਾਲ) : ਹਾਜੀਪੁਰ ਦੇ ਸ਼ਿਵ ਕੁਮਾਰ ਉਰਫ ਸੰਜੂ ਉਮਰ 28 ਸਾਲ ਜੋ ਕਿ ਪਿਛਲੇ ਤਿੰਨ ਦਿਨਾਂ ਤੋਂ ਲਾਪਤਾ ਸੀ ਦੀ ਲਾਸ਼ ਅੱਜ ਹਾਈਡਲ ਪ੍ਰੋਜੈਕਟ ਦੇ ਪਾਵਰ ਹਾਉਸ ਨੰਬਰ ਤਿੰਨ ਤੋਂ ਬਰਾਮਦ ਕੀਤੇ ਜਾਣ ਦਾ ਸਮਾਚਾਰ ਮਿਲਿਆ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਸ਼ਿਵ ਕੁਮਾਰ ਸੁਰਫ ਸੰਜੂ ਪੁੱਤਰ ਰਮਨ ਕੁਮਾਰ ਵਾਸੀ ਹਾਜੀਪੁਰ ਕੌਮ ਬਾਲਮੀਕ ਜੋ ਕਿ ਪਿੱਛਲੇ ਤਿੰਨ ਦਿਨਾਂ ਤੋਂ ਲਾਪਤਾ ਸੀ ਅਤੇ ਉਸ ਦਾ ਮੋਟਰ ਸਾਈਕਲ ਪਾਵਰ ਹਾਉਸ ਨੰਬਰ 3 ਦੇ ਨੇੜੇ ਤੋਂ ਮਿਲਿਆ ਸੀ।
ਮ੍ਰਿਤਕ ਦੀ ਫਾਇਲ ਫੋਟੋ
ਉਸ ਤੋਂ ਖਦਸਾ ਸੀ ਕਿ ਸ਼ਇਦ ਸੰਜੂ ਨੇ ਨਹਿਰ ਵਿੱਚ ਛਲਾਂਗ ਮਾਰ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ ਹੈ ।ਇਸ ਲਈ ਗੋਤਾਖਰਾ ਦੀ ਇਕ ਟੀਮ ਨੇ ਪਾਵਰ ਹਾਉਸ ਨੰਬਰ ਦੋ ਤੋਂ ਨਹਿਰ ਵਿੱਚ ਤਲਾਸ਼ ਕਰਨੀ ਸ਼ੁਰੂ ਕੀਤੀ ਹੋਈ ਸੀ ਕਿ ਅਚਾਨਕ ਖਬਰ ਮਿਲੀ ਕਿ ਪਾਵਰ ਹਾਉਸ ਨੰਬਰ ਤਿੰਨ ਦੇ ਗੇਟਾਂ ਵਿੱਚ ਇਕ ਲਾਸ ਮਿਲੀ ਹੈ ।ਜਦੋਂ ਸੰਜੂ ਦੇ ਪਰਿਵਾਰਕ ਮੈਂਬਰਾਂ ਨੇ ਜਾ ਕੇ ਵੇਖਿਆ ਤਾਂ ਉਹ ਲਾਸ਼ ਸੰਜੂ ਦੀ ਹੀ ਸੀ। ਹਾਜੀਪੁਰ ਪੁਲਿਸ ਦੀ ਟੀਮ ਜਿਸ ਦੀ ਅਗਵਾਈ ਐੱਸ ਐੱਚ ਓ ਲੋਮੇਸ਼ ਸ਼ਰਮਾ ਕਰ ਰਹੇ ਸਨ ਅਤੇ ਉਹਨਾਂ ਨਾਲ ਏ ਐੱਸ ਆਈ ਦਲਜੀਤ ਸਿੰਘ ਮੌਜੂਦ ਸਨ ਦੀ ਨਿਗਰਾਨੀ ਵਿੱਚ ਸ਼ਿਵ ਕੁਮਾਰ ਦੀ ਲਾਸ ਕਬਜੇ ਵਿੱਚ ਲੈ ਕੇ ਮੁਕੇਰੀਆਂ ਸ਼ਿਵਲ ਹਸਪਤਾਲ ਵਿਖੇ ਪੋਸਟਮਾਰਟਮ ਲਈ ਭੇੱਜ ਦਿੱਤੀ ਅਤੇ ਹਾਜੀਪੁਰ ਪੁਲਿਸ ਨੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
